Footer

COC para May 13, 2013, maipila Okt. 1-5, 2012

VIGAN CITY – Saan a maitantan wenno maisanud ti panagipila dagiti agtaray para iti lokal a puesto iti kandidaturada a naituding iti Oktubre 1 agingga iti 5, daytoy ti naammuan manipud iti Commission on Elections.

Mapili inton Mayo 13, 2013 dagiti para senador, congressman, gobernador, bise gobernador, bobokal, mayor iti ili ken siudad, dagiti konsehal.

Mapili pay dagiti party list representatives a mangibagi kadagiti marginalized sectors iti pagilian.

Segun iti Comelec, mangrugi ti campaign period para kadagiti lokal a kandidato 90 nga aldaw sakbay ti aldaw ti panagbubutos idinto a mangrugi met ti panagkampania dagiti national candidates 45 nga aldaw sakbay ti aldaw ti panagbubutos.

Maang-angay ti eleksion kadagiti lokal nga opisial iti tunggal tallo a tawen.#