Footer

Cold front, insangbayna ti tudo iti Ilocos Sur

SINAIT, Ilocos Sur – Inlawlawag ti PAGASA ditoy a cold front ti nakaigapuan ti panagtudona a nangrugi iti malem ti Abril 16 ken dandani nagmalem iti Abril 17.

Kinuna ni weather forecaster Agustin a sinagrap ti Amianan a Luzon ti ipus ti cold front a nangidateng iti naipattopattok a panagtudo nga adda kakuyogna a panagkimat ken gurruod.

Kinuna ti forecaster nga abnormal ti tiempo agsipud iti ibabara ti lubong ket uray kabayatan ti kalgaw, masagrap ti panagtudona.

Nupay kasta, impatalged ni Agustin a saan nga agbayag ti cold front ket agpukaw met laeng kalpasan iti maysa wenno dua nga aldaw.#