Color coding dagiti bangka, maipakat

BANTAY, Ilocos Sur – Kinuna ni Bureau of Fisheries and Aquatic Resources Officer Benny Saraos a saanen a mapabaro ti permit dagiti mangngalap nga addaan bangka no saanda a mapintaan ken maikkan iti numero.

Naipasan iti provincial board ti maysa nga ordinansa a mangipakat iti color coding ken pannakanumero dagiti amin a bangka a maar-aramat iti panagkalap iti probinsia.

Kinuna ni Saraos a no addan kolor ken numero amin a bangka, maputeden ti panagtitinnudo ken maammuanen ti lugar a naggapuan dagiti agkalkalap babaen iti illegal a wagas, kas iti panagbungbong.#