Footer

Comatose a diver, pimmusay

VIGAN CITY – Pimmusay ti baro a nag-comatose sumagmamano nga aldaw kalpasan ti pannakatamingna iti ospital a nakaitarayanna.

Nagtalinaed a comatose ni Ric Cabaya y Alvis, 19, baro,  manipud idi  naitaray iti Gabriela Silang General Hospital kalpasan ti panagsuekna manipud iti tuktok ti maysa a dissuor iti Sitio Cacaldingan, Barangay Lungog, Narvacan, Ilocos Sur idi malem ti Hulio 1

Kas maibatay iti palawag dagiti kakaduana a da Fermin Menor y Cabradilla ken Steve Cabatu, agpada nga addaan  legal nga edad ken residente iti Sitio Maguido, napan ti biktima iti tuktok ti dissuor sa nagsuek a bimmatok iti danum.

Kuna dagiti kakaduana a madama ti panaglutoda idi isu a dida nadlaw a saan pay a timpaw ni Cabaya kalpasan ti treinta minutos.

Sinapul dagitoy ni Abaya ket idi mabirokanda, awanen ti puot daytoy nga intarayda iti Central Ilocos Sur District Hospital iti Narvacan.

Awan latta ti puot ti biktima idi naiyalis iti GSGH a pimmusayanna kalpasan ti tallo nga aldaw.#