Communication system ti polis, Army, mapapigsa

VIGAN CITY – Kinuna ni Gov. Deogracias Victor Savellano a kasapulan a mapapigsa ti communication system ti kapulisan ken Army tapno lalo a mapapigsa ti kampania kontra kriminalidad.

Daytoy ti impeksa ti gobernador bayat ti Provincial Peace and Order Council meeting a naangay iti provincial capitol itay Setiembre 14,.

Kinuna ti gobernador a kasapulan metten a maidaras ti pannakaorganisar dagiti Barangay Peace Keeping Action Teams a makatulong iti pannakaprebentar ti krimen nga agraira iti probinsia.

Papaurnosko metten iti PNP provincial director ken commanding officer ti Army ti maysa nga incentive/commendation program para kadagiti uniformed men and officers a makatulong tapno igaedda pay ti agtrabaho,” kinuna ti gobernador.#