Computerization ti Botika ng Probinsya, nairusat

VIGANĀ  CITY – Nairusat itay nabiit ti baro nga inventory and sales system ti Botika ng Probinsya ng Ilocos Sur (BPIS) tapno pumardas ti transaksion mainaig kadagiti medisina a kasapulan dagiti nadumaduma a district hospitals iti probinsia.

Kinuna Gov. Ryan Singson a babaen ti pannaka-computerized ti Botika ng Probinsya ng Ilocos Sur (BPIS), nadarasen a mamonitor dagiti stock ti agas ken dagiti presioda, ket mapadaras ti transaksion kadagiti agkasapulan a district hospitals iti probinsia.

Segun iti gobernador, babaen daytoy baro a sistema, basbassiten ti paperwork ken limmag-an ti trabaho ta saanen a manual a kas idi kallabes, malaksid a nadaras a mamonitor ti sumrek a pamastrekan daytoy maysa a kadakkelan nga economic enterprise ti probinsia.

Impalgak ni Singson a naiyuna ti computerization ti BPIS, ket sumarsaruno dagiti nadumaduma nga opisina iti provincial capitol tapno ad-adda pay a mapadaras ti trabahoda ken panangipaayda iti serbisio kadagiti umili.

Ni Dr. Pocholo Baquiran ti mangimaton iti BPIS.#

Ā