Construction worker, binagkong ti kayongna

CABUGAO, Ilocos Sur – Saan a pastreken ni baketna gapu ta nabartek, isu a naglaawlaaaw, ket idi saan a maanawa, binagkong ti kayongna a puon ti nakaiyospitalanna.

Naitaray tapno maagasan iti Pira Hospital ni Froilan Duquez y Tabucol, 38, naasawaan, construction worker ken residente iti Barangay Namruangan, Cabugao idinto a boluntario a simmuko kadagiti polis ti nangbagsol kenkuana a kayongna a ni Melchor Sambrana y Castro, 48, naasawaan.

Iti panagimbestiga dagiti polis, naka-locked ti ruangan idi naggawid ni Duquez a nakainom ket naglaawlaaw ken nagiburak iti paso ti masetas.

Simmangpet ni Sambrana ket pinagtalnana ti kayongna ngem ad-adda ketdi a nagbalin nga arogante daytoy.

Mapapati a nakarurod ti suspek ket binagsolna ti biktima iti namindua a nakasugatan daytoy iti makannawan a paset ti tianna ken makannigid a takiagna.

Adda itan iti kustodia ti polis ti kitchen knife a naaramat iti pammagsol.#