Construction worker, tinagbat ti kayongna

BANTAY, Ilocos Sur – Saanmo a bagbagaan ti kayongmo no nakainom daytoy ta sabsabali ti panagawatna a posible iti panagringgoryo.

Binagbagaan ni Juan Claor y Talaga, 41, naasawaan, construction worker, ti kayongna a ni Gilbert Mercurio y Peralta, 40, naasawaan, construction worker, ket sabali ti nagawatan daytoy a puon ti panagririda ken panangbagsol ti Mercurio ken ni Claor.

Iti panagimbestiga dagiti polis, aggiinom ti suspek, biktima ken sumagmamano a kakaduada iti sango ti family house ti suspek sadiay Barangay Cabaroan idi binagbagaan ni Claor ni Mercurio gapu iti panangunget ti suspek iti kaanakanda a ni Percival Tabilog.

Mapapati a narurod ti suspek ket nagsubangda iti biktima agingga iti nagkabilda.

Mapapati a nangala ti suspek iti bolo sana tinagbat ti biktima iti sumagmamano a daras a nagsagrapan daytoy iti dunor iti ulo ken makannigid a kidayna.

Naipan ti suspek iti ospital para iti mediko legal examination sa naipan iti police station para iti umisu a disposision.#