Covered court, linuktan ni Cong. Singson

SAN JUAN, Ilocos Sur – Pormalen a naluktan ti kabarbaro a covered courtĀ  ti Brgy. Saoang ditoy nga ili itay nabiit.

Mismo a ni 1st District Congressman Ryan Luis Singson ti nanglukat iti nasao a covered court babaen ti panangbayabay kenkuana ni Kapitan Manuel Balcobero.

Nagyaman ni Balcobero ken ni Singson gapu ta addan linong dagiti agtutubo noĀ  agay-ayamda iti basketball.

Innayonna a dakkel a tulong daytoy kadagiti nagduduma a programa ti barangay no kasta a madanon ti piesta ti Brgy. Saoang.

Segun ken niĀ  Singson, paset daytoy a proyekto ti panangikagumaanna a mangidanon kadagiti nagduduma nga imprastruktura kadagiti barbarangay iti primero distrito. #