Crablets, naiwaras tallo a barangay

CAOAYAN, Ilocos Sur – No agballigi daytoy a proyekto, aglatak la ketdi daytoy nga ili a pakataraknan kadagiti rasa wenno arimbukeng.

Impakaammo ni Municipal Agriculture Officer Marilou Factor nga agdagup iti pito gasut a crablets ti naiwaras iti tallo a barangay  a pakaibilangan ti Barangay Villamar, Tamurong ken Puro.

Segun iti agriculture officer, paset daytoy iti programa ti Bureau of Fisheries and Aquatic Resources regional office nga agibunong kadagiti crablets tapno taraknen dagiti napili a lumugar kadagiti coastal barangays tapno adda kanayonan a pamastrekan dagiti agindeg a mangngalap.#