Footer

Criminology student, natay iti aksidente

CANDON CITY – Natay ti maysa a Criminology student idi dinungpar ti motorsiklona ti poste ti koriente iti Darapidap Road idi agarup alas dose ti rabii  ti Hulio 7.

Segun iti report, agpadaya a direksion ni Jose Carlo Villanueva, 17, first year college iti Northern Luzon Polytechnic State College ken agnaed iti Barangay San Agustin ditoy siudad, ket idi makadanon iti nadakamat a lugar, napukaw ti kontrolna iti manibela a puon ti pannakaidungpar ti luganna iti poste ti koriente.

Naitaray nga immuna ni Villanueva iti Saint Martin de Porres Hospital sa naiyalis iti ospital iti San Fernando City a nakatayanna.

Kinuna ni Belen Villanueva, ina ti biktima, a nadakamat ti anakna bayat a maitartaray iti ospital nga adda naglugan nga al-alia iti likudanna ket dinan nakontrol ti manibela agingga iti naidungpar ti luganna.#