CSC examination, maangay iti Vigan

VIGAN CITY – Kalpasan ti nabayag a tiempo, maangay ditoy siudad ti eksamen para iti professional ken sub-professional inton Nobiembre 15.

Segun ken ni Civil Service Commission provincial director Hedy Jose Lardizabal, agdagup iti 1,677 ti bilang dagiti ageksamen iti professional ken 662 met iti sub-professional.

Maangay ti eksamen iti Ilocos Sur National High School.

Dagiti mangisursuro ti agpaay a kas examiners ken proctors iti eksaminasion.#