Footer

Curfew dagiti menor de edad, naiwayat iti Sinait

SINAIT, Ilocos Sur – Maipakaten ti curfew kadagiti menor de edad ditoy kalpasan nga inaprobaran ti konseho dditoy ti nasao nga ordinansa.

Naputar ti nadakamat nga ordinansa gapu ta adda dagiti insidente a pakairamramanan dagiti minors kangrunaan iti rabii ken tapno saanda a maisungsong iti madi nga aramid.

Dagiti kameng ti PNP ti naituding a mangimplementar iti curfew kadagiti menor de edad.  

Sagudayen ti ordinansa a mangrugi ti curfew iti alas dies iti rabii ket agpatingga iti alas singko iti bigat.  Matiliw dagiti minors nga agwarawara kadagiti public places ditoy  kadagiti nadakamat nga oras.

Dagiti sumaganad dagiti multa dagiti matiliwan nga aglabsing iti ordinansa: umuna a panaglabsing, P200 multaken dua oras a community service;  maikadua a panaglabsing, P500 ken tallo oras a community service;ken iti maikatlo a panaglabsing, P1,000 ken uppat nga oras a community service, kalaksidan a mawarningan dagiti nagannak ken guardian ti menor de edad.

Nupay kasta, exempted ti menor de edad iti nasao nga ordinansa no adda a kakuyogna ti nagannak kenkuana wenno maysa a nataengan bayat ti pannakaipakat ti curfew hours. #