Dakdakkel nga enrolment, puntiria ti BaRANGAY Demo Farm

SAN JUAN, Ilocos Sur – Panggep ti gobierno probinsial a padakkelen ti bilang dagiti agbasa iti BaRangay demo farm.

Daytoy ti impalgak ni Savellano iti sanguanan ti umad-adu a bilang dagiti agtutubo nga interesado nga agbasa iti BaRangay demo farm.

Kinuna ni Vice Gov. Deogracias Victor Savellano a no umad-adu ti agbasa iti BaRangay demo farm, kasapulan a mangalada iti ad-adu pay a mangisursuro.

Kinuna ti bise gobernador a rinugianan da Dr. Cesar Soller ti napan nakisarsarita kadagiti barangay captains ken dagiti dadaulo dagiti high schools iti umuna a distrito ti probinsia tapno agawisda kadagiti agbasa iti BaRangay demo farm.

Maysa a paginteresan dagiti agtutubo nga agbasa iti demo farm ta malaksid a libre, makateggedda pay bayat ti panagadalda.#