NARVACAN, Ilocos Sur – Naangay ti maysa a workshop iti panagsala ditoy nga ili nangrugi itay nabiit.
Insingasing daytoy ti gobierno munisipal tapno maikkan dagiti agnaed nangruna dagiti agtutubo ditoy iti gundaway a mangpadur-as iti talentoda nga agsala.
Malaksid iti gymnastics, aerobics, rumba, naisuro iti workshop ti break dancing ken dadduma pay a sala a pagaayat dagiti makipartisipar nga adalen.
Kinuna ni Mayor Zuriel Zaragoza a babaen ti nasao a workshop, maikkan iti tiansa dagiti agtutubo nga agsursuro kadagiti nadumaduma a klase ti sala.
Masansan a maysa a tampok nga aktibidad iti piesta kadagiti barangay ti pasalip iti sala.#