SANTIAGO, Ilocos Sur. Maysa a sigud a kapitan ti barangay ti nagpulong iti polis gapu iti panangpangta kenkuana ti maysa a kalugaranna iti Barangay Butol ditoy nga ili.
Nagpulong ti polis ni Godofredo Gabuat, 60, sigud a kapitan iti Barangay Butol a pinangtaan ti managan Bobby Gagarin, kalugaranna met laeng iti nasao a barangay.
Iti blotter ti polis, makipatpatang ti biktima kadagiti sumagmamano a kagawad ti barangay idi simmangpet ti suspek a nakaiggem iti buneng ket inpangtana a patayenna ni Gabuat.
Nupay kasta, naanawa dagiti kagawad ni Gagarin.
Saan a nailanad iti report no apay a pinangtaan ni Gagarin ni Gabuat.#