Dati a Cong. Ronald, saanen nga agsubli pay iti politika: Chavit

LAOAG CITY – Kinuna ni Ilocos Sur Gov. Luis ā€œChavitā€ Singson a saanen nga agsubli iti politika ni dati a Congressman Ronald SingsonĀ  inton rummuar iti pagbaludan iti Hong Kong.

Impalgak daytoy ti gobernador bayat ti iyaatenderna iti selebrasion ti Maika-105 nga anibersario ti panagkasangay daydi dati a gobernador Roque Ablan, Sr.Ā  a naangay ditoy idi Agosto 9 ken a kangrunaan a nasangaili da Vice President Jejomar Binay ken ni Cong. ti First District ti Ilocos Norte Imelda Romualdez Marcos.

Segun ken ni Singson,Ā  sagsaganaandan ti panagsubli ti dati a diputado iti probinsia apaman a maungpotna ti makatawen ken innem a bulan a sentensia ti Hong Kong court kenkuana gapu iti panagikutna iti droga.

Kinuna ni Singson a ninton Ronald ti mangimaton kadagiti negosioda iti Metro Manila ken iti ballasiw-taaw agsipud ta saanton nga agsubli pay iti politika.

Iti agdama, ni Cong. Ryan Luis Singson, inaudi a kabsat ni Ronald, ti simmukat iti puesto a binakantean ti naud-udi iti special elections para iti umuna a distrito nga inangay ti Commissions on Elections idi Mayo 28 daytoy a tawen.

Maipalagip a tiniliw dagiti autoridad idi Hulio 11, 2010Ā  ni Singson iti Check Lap Kok International AirportĀ  iti Hong Kong gapu iti pannakaduktal iti ikutna ti cocaine nga agdagsen iti 6.67 grams ken 2 a table ti valium.

Segun ken ni Gov. Singson, na-frame-up ti anakna ngem kapilitan nga inamin ti diputado ti panagikutna iti droga tapno mapalag-anan ti dusana.

Sinentensiaan ti korte ni Singson a mabalud iti makatawen ken uppat a bulan gapu iti panagikutna iti droga ken kanayonan a dua a bulan gapu iti panagikutna pay iti valium.

Maungpotton ni Singson ti sentensiana inton Enero 14, 2012.#