VIGAN CITY – Maysa a dati a gobernador ti probinsia ti napili a Bigueño of the Year bayat ti selebrasion ti panagpiesta daytoy a siudad idi Enero 25.
Pinadayawan ti Vigan City ni dati a Gobernador Carmeling Pichay Crisologo a Bigueño of the Year, kas pammigbig kadagiti nagapuananna iti tay-ak ti serbisio publiko.
Ni Crisologo ti asawa daydi Diputado Floro Crisologo ken anakna ni agdama a Cong. Vincent “Bingbong” Crisologo.
Ni pay Crisologo ti nagpaay a chairman ti board of directors ti Red Cross, Ilocos Sur Chapter iti uneg ti lima a dekada.
Tinawen nga ited ti city government daytoy maibilang a kangatuan a pammadayaw para kadagiti taga-Vigan a nakaited iti naisangsangayan a serbisio ken pammadayaw iti daytoy a siudad.#