SAN QUENTIN, Abra – Napaltogan a puon ti pannakatayna ti maysa a dati a mayor idi rabii ti Nobiembre 16 sadiay Barangay Labaan Proper ditoy.
Naitaray iti ospital ni dati a Mayor ti San Quentin Jovito Diaz ngem natay bayat ti pannakatamingna .
Segun iti report, adda saan a nagkinnaawatan da Diaz ken ni Jovencio Florentino, retired a polis a puon ti nangpaltogan ti naud-udi iti biktima.
Mapapati a cal. 38 ti naaramat iti pammaltog.
Madama ti inbestigasion dagiti pulis no adda pakainaigan iti pulitika ti panakapapatay ni Diaz a mapapati a planona ti agkandidato a para mayor iti 2010 election. Kabsat ni incumbent San Quintin Mayor Amador Diaz ti biktima.
Addan iti ikot iti Abra Police Provincial Office ti suspetsa. #