Dati a seaman, nagbekkel

NARVACAN, Ilocos Sur – Problema iti pamilia ti mapapati a gapu a nagbekkel daytoy a seaman a naduktalan a nakabitin iti comfort room ti balayda iti Barangay Abuor ditoy nga ili idi sardam ti Hunio 5, 2012.

Nagturong dagiti polis iti nasao a barangay idi nakaawatda iti report nga adda nasarakan a granada iti likudan ti paraangan ni Rey Sagun y Ramirez, 56, naasawaan, dati a seaman, ken residente iti nasao a barangay.

Naduktalan dagiti polis a naikkat ti safety lever ti MK2 fragmentation grenade ket idi simmiripda iti uneg ti balay ni Sagun, nakitada laengen a nakabitin daytoy babaen ti tali a naiputipot iti tengnged ken sakana iti uneg ti comfort room.

Mapapati nga imbato ni Sagun ti granada sakbay a nagbekkel.#