Dati a susik, nagtungpal iti pannagbat

BANTAY, Ilocos Sur – Nagtungpal iti pannagbat ti dati a susik dagiti agkayong nga agpada a residente iti daytoy nga ili.

Tinagbat ni Rolando Paringit, 46, naasawaan, residente iti Naguiddayan ditoy nga ili, ti kayongna a ni Fernando Cortez, 43, baro, residente iti Taleb ditoy met laeng nga ili ket kritikal daytoy iti nakaitarayanna nga ospital gapu iti sugatna iti tengnged.

Segun iti polis, agiinom da Paringit ken kakaduana iti pagtaenganna idi mapapati nga immasideg ti biktima ket nagsubangda.

Nangala ti suspetsa iti buneng ket tinagbatna ti biktima.

Naitaray ti biktima iti Metro Vigan Cooperative Hospital idinto a boluntario a simmuko ti suspetsa iti polis.#