Dati a susik nakabagsolan ti kagawad

BURGOS, Ilocos Sur – Dati a susik ti ramut ti pannakabagsol ti maysa a kagawad sadiay Barangay Manaboc, ditoy nga ili idi rabii ti Abril 4.

Ngem innaganan ni Roselyn Babac, anak ni Barangay Kagawad Romeo Babac y Javier, 44, mannalon, ti suspek a ni Nelson Dato y Domenden, baro, 30, kalugaranda iti Barangay Manaboc.

Kinuna ni Babac a nasaksianna mismo ti panangbagsol ni Dato iti amana bayat ti pannaturog daytoy iti maikadua a kadsaaran ti balayda.

Nagsagrap ti biktima kadagiti sugat iti nadumaduma a paset ti bagina.

Intaray dagiti lumugar ti biktima iti Judge Celestino Guerrero Memorial Hospital, Sta. Maria Ilocos Sur ngem naideklara a dead on arrival.

Naglibas ti suspek iti saan nga ammo a direksion, kuyogna ti armasna.

Iti kaudian a damag, naipilan ti kaso a murder maikontra ken ni Dato.#