Delegasion ti medical mission, sinangaili ni Mayor Eva

VIGAN CITY – Sinangaili ni Mayor Eva Marie S. Medina dagiti dodoktor, narses, ken volunteer workers manipud iti Chicago kas panagyaman ti siudad iti impaayda a medical mission a naisayangkat iti Gabriela Silang General Hospital itay lawasna.

Impasiar pay ti mayora dagiti sangailina iti aglawlaw ti ViganĀ  nangruna iti napnuan pakasaritaan a Heritage Village a pakaibirokanĀ  kadagiti duog a pagtaengan a naipatakder pay idi tiempo dagiti Kastila.

Rinibu a pasiente nga agindeg ditoy siudad ken kabangibangna nga il-ili ti sinerbian ti Philippine Medical Association in Chicago, FEU Medical Alumni Association of Northern Illinois ken ti provincial government ti Ilocos Sur ken babaen ti pannakikammayet ti JCS Foundation ni Bokal Jerry Singson, Ephpheta Foundation for the Blind, Armed Forces of the Philippines, UP-PGH, ken FEU iti naisayangkat a cataract ken major surgical mission manipud Enero 18 agingga iti 21 iti GSGH

Nairana ti pannakaipaay ti medical mission iti katibok ti panagpiesta ti Vigan, kas panangrambaknaĀ  iti panagbalinna a maysa a siudad itay Enero 22 ken iti Konbersion ni San Pablo inton Enero 25.#