Demo farm, namulaan iti natnateng

STA. CATALINA, Ilocos Sur – Dagiti nateng a maapit iti demo techno farm iti Barangay Cabaroan ditoy ket mailako laeng iti probinsia.

Daytoy ti kinuna ni Sangguniang Bayan Member Buenaventura Rapisura, chairman iti committee on agriculture.

Naipasdek ditoy a barangay ti demo techno farm tapno adda pagadalan iti kabaruanan a wagas ti panangpaadu iti produksion ti natnateng ditoy nga ili.

Dagiti sumaganad a nateng ti maimula iti nasao a demo techno farm; 7 ektaria iti repolio, 2 ektaria iti utong, 1 ektaria iti paria ken 2 ektaria iti tarong.

Maipan ti mapastrek iti techno farm iti pondo ti local government unit ditoy.#