Dental clinic, dialysis center, mabangon

CABUGAO, Ilocos Sur – Adda manen proyekto dagiti annak ti Cabugao nga agnanaeden iti sabali a pagilian, daytoy ti naammuan manipud ken ni Mayor Edgardo S. Cobangbang, Jr..

Kinuna ni Cobangbang a mabangon ti dental clinic ken dialysis center iti lote a nakaipatakderan ti police station.

Maiyalis met ti police station iti asideg ti tiendaan publiko ditoy nga ili, iti abay ti pasdek ti Bureau of Fire Protection.

Nangilatang ti gobierno lokal iti P1 milion a tulongna para iti pannakaipatakder ti police station.