Di aggatang mapagduaduaan certified seeds: provincial agriculture officer

BANTAY, Ilocos Sur – Binallaagan ni Department of Agriculture Provincial Officer Teofilo Quintal dagiti mannalon a saanda a gumatang kadagiti negosiante nga aglakolako kadagiti mapagduaduaan nga irik nga imulada iti talonda.

Impaganetget ni Quintal kadagiti mannalon iti igagatangda kadagiti miembro ti Ilocos Sur Seed Growers nga accredited a paggatangan kadagiti maimula a certified palay seeds.

Kinuna ni Quintal a kasapulan a ma-quarantine dagiti irik a gatangen dagiti mannalon kadagiti saan nga accredited nga aglaklako tapno saan a maapektaran dagiti certified seeds nga imulada.

Innayon ni Quintal nga ipakaammo dagiti mannalon kadagiti barangay captain kasta met iti kaasitgan nga agriculture office no adda aglaklako iti mapagduaduan nga irik tapno dida maallilaw.#