Dialogo mainaig panagminas, maangay

VIGAN CITY – Maangay ti maysa a dialogo kadagiti residente iti Quirino mainaig iti maisaysayangkat a panagminas iti lugarda, segun iti maysa a bokal itay nabiit.

Kinumpirmaran ni Bokal Robert Tudayan, chairman ti committee on environment, a maisayangkat ti maysa a dialogo iti nagbaetan ti gobierno probinsial ken dagiti residente iti Quirino tapno tratarenda ti isyo ti panagminas iti lugarda, nangruna iti Barangay Patiacan.

Maysa a petision ti dimmanon iti provincial board manipud iti Save Quirino Movement a mangkonkontra iti panagminas iti Barangay Patiacan, kasulinekan a barangay ti Quirino.

Segun ken ni Tudayan, maysa a direktiba ti impaulog ni Gov. Luis “Chavit” Singson a maangay ti pannakipatang ti gobiernio probinsial ken dagiti residente ti Quirino tapno maammuan no adda pagpeggadan nga itden ti panagminas ti maysa a kompania kadagiti lumugar iti Barangay Patiacan.#