Dinto agkupas ti sarita a mangsukit iti intelektualidad

Ni  Jaime M. Agpalo, Jr.

(Tuloyna)

 

Isu a kastoy man ti klasiko a panangigibus ti author: “Narikna ni Amitao a kasla bimtak ti nagbaetan dagiti sarana. Sinaruno ti bibineg. In-inut a naarinuknok idinto a kumudrepen ti panagkitana.

Naudi a nakitana ti kinalabbasit dagiti ulep a tumtumbagen ti lumlumneken nga init.”

Ti panagtabon ti init ket simbolo ni patay. Ti nalabbasit nga ulep ket iparangna ti nadara nga ipapatay. (Bay-am man no kinaranggas ti pasamak, isu ngarud ti pakasaritaan!) Saan a nadakamat iti sarita a pinaltogan ti lakay ti nuang no di ket nailadawan laeng dayta a nakas-ang a buya. Napaltogan ngarud, di nadara nga ipapatay, saan?

Kastoy ti bunga ti arte iti sarita. Kastoy ti agsurat iti sarita nga addaan iti arte.

Iti isu met laeng a sinurattayo a “Dagiti Kapintasan a Sarita iti Bannawag, Nobiembre 20, 2006 – Enero 29, 2007” kunatayo a bunga ti arte ti pannakasurat ti sarita a “Gawat” ni Juan Al. Asuncion isu a pinilitayo a maikatlo a kapintasan a sarita. Maika-4 ti sarita ni Duque a “ Maysa nga Aldaw iti Biag ni Amitao.” Saan nga imbaga ni Asuncion ti sibubukel a pakabuklan a kayatna nga iyallawat kadagiti agbasbasa no di ket impakita-imparikna-imparipiripna laeng. Nupay kaurnosan amin iti pannakaisurat ti “Maysa nga Aldaw iti Biag ni Amitao,” in terms of substance, nalawlawa ti sinakup ti “Gawat” isu a pinilitayo a maikatlo.

Ipakitam ngem dimo ibagbaga no ania ti napasamak ta makaammon dagiti agbasa nga umawat iti basbasaenda. No sinuboamon ida bay-am idan; saanmon nga ingalngalan wenno itilmonan ida; mannuratka, saan a robot!

Ti sarita ket saan laeng a pang-entertainment no di pay sukiten-paruarenna ti intelektualidad ti reader a mangawat ken mangapseptar iti kaipapanan ken kinabaknang ti binasana. Dinto agkupas ti kinapintas dagiti sarita a mangsukit iti intelektualidad.

Intay met idilig i\ti pannakaisurat daytoy a sarita ni Reynaldo A. Duque iti “The Masque of the Red Death” ni Edgar Allan Poe a kas naikaritayo idi. Kastoy man ti kinasimple ti sarita, kas mabasa iti ‘Appendix II’, panid 193-199 iti “The Random House Guide To Good Writing” a libro ni Mitchell Ivers a managing editor ti Random House, New York.

EXPOSITION: (opening, paragraph 1) The “Red Death” had long devastated the country. No pestilence had ever been so fatal, or so hideous. Blood was its Avatar and its seal—the redness and the horror of blood…

PRECIPITATING EVENT: (mangrugi iti paragraph 4) It was a voluptuous scene, that masquerade. But first let me tell if the rooms in which it was held. There were seven—an imperial suite. In many palaces, however, such suites form a long and straight vista, the folding doors slide back early to the walls on either hand, so that the view of the whole extent is scarcely impeded….

COMPLICATION: (mangrugi iti paragraph 8) But these other apartments were densely crowded, and in them beat feverishly the heart of life. And the revel went whirling on, until at length there commenced the sounding of midnight upon the clock…

CRISIS: (mangrugi iti paragraph 11) “Who dares”—he demanded hoarsely of the courtiers who stood near him—“who dares insult us with this blasphemous mockery? Seize him and unmask him—that we may know whom we have to hang, at sunrise, from the battlements!”

CLIMAX: (mangrugi iti taraudi ti paragraph 13) …He bore aloft a drawn dagger, and had approached, in rapid impetuosity, to within three or four feet of the retreating figure, when the latter, having attain the extremity of the velvet apartment, turned suddenly and confronted pursuer. There was a sharp cry—and the dagger dropped gleaming upon the sable carpet, upon which, instantly afterward, fell prostrate in death the Prince Prospero….

RESOLUTION: (iti maudi a paragraph) And now was acknowledge the presence of the Red Death. He had come like a thief in the night. And one by one dropped the revelers in the blood-bedewed halls of their revel, and died each in the despairing posture of his fall. And the life of the ebony clock went out with that of the last of the gay. And the flames of the tripods expired. And Darkness and Decay and the Red Death held illimitable dominion over all.

Dayta man ti pakasaritaan ti “The Masque of the Red Death” ken pannakaiparang dagiti pasetna  a kas nagsasagannad.

Napintas ti agbasa iti sarita a mangsukit ti intelektualidad lalo no naurnos ti pannakaisuratna.#