Diskusion, nagtunged iti pammagsol

VIGAN CITY – Nagkaduada iti inuman ngem idi agawiddan, bimmara ti diskusionda ket binagsol ti maysa ti kaduana.

Naideklara a natayen idi maidanon iti Gabriela Silang General Hospital ni Paterno Tacud, 45, naasawaan, residente iti Barangay III ditoy.

Nainaganan ti nangbagsol kenkuana a ni Ricky Ramos, 20, baro, tricycle driver, residente iti Cabaroan, Bantay, Ilocos Sur.

Segun iti inbestigasion, nagsubang dagiti dua bayat ti panaginomda ken dadduma a kaduada ngem naanawada.

Idi agawiddan, intuloyda ti nagdinniskutir a nagtungpal iti panangbagsol ni Ramos ken ni Tacud.

Inaresto dagiti polis ti suspetsa.#