District hospital, naisingasing a masukatan

STA. LUCIA, Ilocos Sur – Gapu iti kinadaannen ti pasdek ti district hospital ditoy, naisingasing a mapaduprak tapno mapabangonan iti baro.

Segun ken ni provincial district engineer Virgilio Llanes, panawenen a masukatan ti nasao nga ospital gapu ta daanen. Naipatakder pay laeng ti pasdek idi 1980s.

Ngem kinuna ti provincial engineering officer a mayuray pay ti pannakailatang ti pondo a P50 milion para iti pannakaipatakder ti baro nga ospital.#