Diversion road, ipasdek ti Candon City

CANDON CITY –  Naidatagen iti National Economic and Development Authority ti maysa a resolusion ti siudad para iti pannakaipasdek iti by-pass road tapno masolbar ti problema ti trapiko ditoy.

Masarakan ti kalsada iti lauden a paset ti agdama a national highway ket labsanna dagiti sumagmamano a barangay.

Manipud iti amianan, sumrek ti kalsada iti barangay Bagar sa sumalpot iti barangay San Agustin, San Nicolas, Paras ket ditoy ti rummuaranna iti bangir nga ungto.

Iti agdama, ti trapiko ti maysa kadagiti problema ditoy siudad gapu ta madalan dagiti lugan ti sentro ket no adda aktibidad, kas iti parada wenno piesta, maapektaran unay ti panagdaliasat dagiti luglugan.#