DMIA, maikamkampania nga alternatibo nga eropuerto iti amianan ti MM

VIGAN CITY – Kas paset ti panangikampaniada iti Diosdado Macapagal International Airport, maysa a road show ti nasao nga eropuerto ti naisayangkat ditoy siudad itay nabiit.

Kinuna ni Richie Nakpil, airport operations manager ti DMIA, ikamkampaniada ti panagbalin daytoy nga alternatibo nga eropuerto iti amianan ti Metro Manila.

Kinuna ni Nakpil a makainut iti aganay 2-3 nga oras dagiti agbiahe nga aggapu iti amianan no iti DMIA ti pagrubbuatanda gapu ta as-asideg daytoy ngem iti Ninoy Aquino International Airport.

Malaksid a  kabarbaro dagiti eroplano nga agbibiahe ditoy, nalaklaka ti plete, segun iti operations manager.#