Domestic helper, naaresto

SAN VICENTE, Ilocos Sur – Inaresto dagiti polis ti maysa a domestic helper gapu iti sangsanguenna a kaso iti maysa a korte iti Vigan City idi Marso 12.

Naaresto ni Corazon Recomio y Asuncion, 51, naasawaan, residente iti Barangay Pudoc, ditoy nga ili babaen ti warrant of arrest nga inyisio ni Judge Nida B. Alejandro, acting presiding judge iti RTC Branch 20, Vigan City maigapu iti kasona a syndicated illegal recruitment in large scale a nai-docket iti babaen ti Criminal Case No. 6953-V a napetsaan Disiembre 9, 2011.

Awan ti nairekomenda a piansa ni Recomio.#