Drayber, binagsolna ti kalugaranna

SANTIAGO, Ilocos Sur.  Naganawa ken intulodna pay ti kaduana ngem binagsol ti naud-udi a puon ti nakatayanna.

Natay iti ospital a nakaitarayanna ni Romualdo Eugenio, 34, baro, residente iti Barangay Gabao ditoy gapu iti sugatna iti kannigid a barukongna gapuanan ti panangbagsol kenkuana ni Oscar Espiritu, 40, naasawaan, jeepney driver, kalugaranna.

Iti inisial nga inbestigasion ti polis, agawid koman ti suspek ken biktima nga agpada a nakainom idi  prinobokar ti suspetsa ti dua a lalaki iti barangay plaza a pakaang-angayan ti pasala ngem naganawa ti biktima.

Intulod pay ti biktima ti suspetsa iti balay daytoy ngem iti di ammo a rason, binagsol ti naud-udi ti immuna.

Boluntario a simmuko ti suspetsa iti kapitan ti barangay ket indatag daytoy iti polis. (Danny Antalan)