Footer

Drayber, napaltogan, natay

STA. CRUZ, Ilocos Sur – Maysa a drayber ti napapatay bayat iti igagatangna iti serbesa iti maysa a tiendaan iti Poblacion Este ditoy.

Natay ni Richard Rebolledo, 52, drayber, bayat ti pannakatamingna iti Sta. Lucia District Hospital.

Segun iti inbestigasion, gumatgatang ti biktima iti serbesa nga adda kakaduana idi napaltogan.

Mapapati a nagtataray dagiti kakaduana idi nagkanalbuong.

Saan a nailanad iti report no asino dagiti kakadua ti biktima.

Nagsagrap ti biktima iti sugat iti baba ti lapayagna.

Mapapati a nadeppelan ti biktima kas maibasar iti powder burns iti aglawlaw ti sugatna.

Madama ti panagimbestiga dagiti polis mainaig iti pammapatay.#