Drinking spree, nagtunged iti pammagsol

SAN JUAN, Ilocos Sur – Susik bayat ti panaggiinomda ti ramut ti pannakabagsol ti maysa a trabahador sadiay Barangay Sunggiam ditoy nga ili idi sardam ti Agosto 15.

Iti report ti polis ditoy, binagsol ni Freddie Vite y Visaya, 46, naasawaan, ti kalugaranna a padana a trabahador a ni Ronel Alejo y Agnir, 36, gapu iti dida panagkinnaawatan bayat ti drinking spree a naangay iti balay ti suspek.

Mapapati a bayat ti nabara nga argumentoda, nangala ni Vite iti Indian knife ket binagkongna ni Alejo a nagsagrapan daytoy iti sugat iti makannigid a luppo ken sikona.

Naitaray ni Alejo iti Magsingal District Hospital tapno maagasan dagiti sugatna idinto a boluntario a simmuko ti suspek kadagiti nagresponde a polis.#