Drinking spree nagtungpal iti pammagsol

CERVANTES – Di panagkikinnaawatan bayat ti panagiinomda ti ramut iti pannakabagsol ti maysa a residente iti Sitio Maipit, Barangay Comillas South ditoy nga ili idi rabii ti Septiembre 29.

Nabigbig ti biktima a ni Jerry Budcaing, Jr., idinto a nainaganan ti suspek a ni Florentino Limilim y Suwaya, 50, naasawaan, lumugar met laeng iti nadakamat a barangay.

Iti report manipud polis ditoy, naggiinom da Budcaing ken ni Limilim ken maysa a Miguel Gayadan iti balay ti suspek ngem nagbinnara da Gayadan ken ni Budcaing.

Mapapati a binurak ni Budcaing ti pitcher a puon ti nagpudotan ni Limilim ket binagsolna ti tian ti biktima.

Naitaray ti biktima iti ospital idinto a naipan ti suspek agraman ti armasna iti police station para iti umisu a disposision.#