Drinking spree, nagtungpal iti pannakalmes

SANTIAGO, Ilocos Sur – Nasarakan a nalmes ti maysa a baro sumagmamano nga oras kalpasan ti drinking sessionda kadagiti gagayyemna sadiay Barangay Sabangan ditoy nga ili idi sardam ti Abril 25.

Nasarakan dagiti mangngalap a tumtumpaw ti bangkay ni Arnolfo EstraƱero y EstraƱero, 48, baro, awanan pagsapulan, ken residente iti nadakamat a lugar idi agarup 4:20 ti agsapa ti Abril 25 iti kabaybayan ti nadakamat a barangay.

Awanen ti biag ni EstraƱero idi alawen dagiti mangngalap.
Sakbayna, idi sardam ti Abril 24, naggiinom da EstraƱero ken dagiti di nainaganan a gagayyemna iti igid ti baybay ti nadakamat a barangay.

Naipan ti bangkay ti biktima iti maysa a funeral home para iti pannakaautopsiana.#