Droga, nasamsam iti nasukisok a balay

SAN ILDEFONSO, Ilocos Sur – Maysa a balay iti Barangay Otol-Patac ditoy nga ili ti sinukisok dagiti elemento ti PDEA/PAIDSOTG idi malem ti Agosto 12 ket nakasamsamda iti maiparparit nga agas idi malem.

Nakasamsam dagiti polis iti balay ni Jerry Espejo y Pulido, 37, baro, residente iti nadakamat a barangay iti napagango a bulong ti marihuana nga agdagsen iti aganay .5302 gramo, maysa a sachet a mapapati a nagkarga iti shabu nga agdagsen iti agarup .0144 gramo, ken disposable lighter.

Sinaksian dagiti barangay officials ken kamkameng ti media ti nasao a panagsukisok.

Imet dagiti polis idi nagsukisokda iti balay ni Espejo ti search warrant nga inyisio ni Judge Francisco Ante, Jr. ti MTCC, First Judicial Region, Vigan City.#