CABUGAO, Ilocos Sur – Droga ken drug paraphernalia ti nasukalan dagiti nagtitipon nga elemento ti kapolisan bayat ti panagsukisokda iti balay ti maysa a kagawad ti Barangay Bungro, ditoy nga ili idi agarup 6:00 ti bigat ti Marso 28.
Sinukisok dagiti nagtipon nga elemento ti Cabugao Municipal Police Station, ISPDEG, ISPIB ken PDEA, Ilocos Sur ti balay ni Jocelyn Sonido y Sinco, 41, naasawaan, incumbent barangay kagawad ti Bungro, ken HVT level 1/drug surrenderer.
Nakakumpiska dagiti operatiba bayat ti operasion iti 5 a heat sealed plastic sachet a nagkarga iti mapapati a shabu ken sumagmamano a drug paraphernalia.
Nakakustodia ti suspek ken dagiti nakumpiska kenkuana iti police station para iti dokumentasion ken umisu a disposision.#