Droga, paltog, nakumpiska iti drug operation; 13 sabali pay naapput bayat ti pot sessionda

CABUGAO, Ilocos Sur – Nakaeskor iti dakkel ti kapolisan iti imminget a kampaniana maikontra iti illegal a droga iti insayangkatda a search operation iti maysa a balay iti lakub ti junk shop sadiay Barangay Bonifacio, Cabugao, Ilocos Sur idi malem ti Nobiembre 8.

Idi agarup 5:45 ti malem ti Nobiembre 8, sinukisok ti nagtitipon nga elemento ti kapolisan a pakaibilangan ti Cabugao police station, RPSB1, ISPPSC, 103rd Maritime Police, PIB, PAIDSOTG, RIU-1, PIDMB, CIDG ken San Juan police station ti balay ni Allen Rayray Reyes, 37, naasawaan, negosiante a masarakan iti las-ud ti Reyes Junk Shop, Barangay Bonifacio, Cabugao babaen ti bileg ti search warrant nga inyisio ni Judge Homer Jay Ragunjan of MTCC, Cabugao, Ilocos Sur ket ditoy a nakaeskorda iti dakkel agsipud ta saan laeng a pinullo a plastic sachets a nagkarga iti masuspetsa a droga ti nakumpiskada iti balay ni Reyes no di pay dua a paltog ken balbala.

Nakakumpiska dagiti operatiba iti maysa nga small pouch a nagkarga iti 16 medium heat sealed transparent plastic sachets a naglaon iti masuspetsa a shabu; maysa nga improvised glass tooter; maysa a violet disposable lighter a nagmarka iti LCC; maysa a cash box a nagkarga iti 5 medium plastic sachetsa nagkarga iti mapapati a shabu; maysa a Commando match box a nagkarga iti 16 plastic sacheta naglaon iti containing whi shabu; maysa a plastic bag a nagmarka iti Andok’s a naglaon iti masuspetsa a nagango a bulong ti marihuana; 10 medium heat sealed plastic sachet a nagkarga iti masuspetsa a dried marijuana leaves; maysa a cal. Mag 22 SMG (sub machine gun) a nagmarka iti INGRAM M11 with nga addaan serial number 01177 ken magasin a nagkarga iti 16 bala; maysa a homemade cal. 38 revolver nga awanan marka ken serial number; maysa a Coca Cola pouch a naglaon iti 9 lighters; maysa a pakete a plastic sachet nga awan naggianna; 4 bassit a plastic sachet a nagkarga iti shabu; 2 glass tooter nga addaan masuspetsa a with suspected shabu residue; maysa a My Phone selpon; maysa nga aluminum foil; ken cash money nga aggatad iti P37,300.00 iti nadumaduma a denominasion.

Inaresto pay dagiti operatiba dagiti 13 a tattao a madama ti pot sessionda iti uneg ti junk shop a pakaibilangan da Ronilo Rosete y Ramos, 31; Anastacio Tabaniag y Tabbada; 46; Danilo Aquino y Cabigat, 37; Joel Baclig y Mirasol, 35; Joselito Serrano y Savellano, 42; Jayson Siababa y Sonico, 29; Bernard Purisima y Santella, 28; Steve Siruno y Pabro, 22; ken maysa a babai nga agnagan iti Frances Asuncion Sabio, 29, residente amin iti Barangay Bonifacio; Gervy Sesuca y Garcia, 30, residente iti Barangay Salomague; Al Mustapha y Saripada, 40, residente iti Sitio Lusong, Barangay Baclig; Dexter Ramos y Solanzo, 34, residente iti Barangay Cuancabal; ken Reynaldo Avila y Salarzon, 46, residente iti Barangay Daclapan.

Ti panagsukisok iti balay ti masuspetsa a big time drug personality iti Cabugao ti maysa laeng iti One time Big Time operations nga inyussuat ti Provincial Police Office iti panangidaulo ni Provincial Director Chief Supt. Nestor Felix a pakairamanan dagiti nasurok duapulo a buy bust operations maikontra kadagiti drug personalities iti nadumaduma nga ili iti probinsia.

Uppat nga aldaw manipud idi Nobiembre 6 a nagsasaganad dagiti buy bust operations nga insayangkat ti kapolisan iti nadumaduma nga ili a pakairamanan ti Sta. Maria, Cervantes, Galimuyod, Banayoyo, Narvacan, Tagudin, Cabugao, San Esteban, Sta. Catalina, Santiago, Bantray, Sta. Cruz, Candon ken Vigan a nakaarestaran dagiti nasurok duapulo a drug pusher/buyers.#