Drug dealer, natnag iti buy bust operation

BAGUIO CITY – Maysa a drug pusher ti natnag iti ima dagiti pannakabagi ti linteg babaen ti insayangkatda a buy bust operation iti Upper Quezon Hill ditoy siudad iti pasado alas tres ti malem ti Enero 7.

Nakakumpiska dagiti operatiba ti Philippine Drug Enforcement Agency ken ni Rolando Vallejo, 39, residente iti Caloocan City iti dua a sachet a mapapati a naglaon iti shabu ken agtimbang iti uppat a gramo.

Iti pannakaisurat daytoy, maisagsaganan ti kaso maikontra iti suspek.#