Drug personality, naiserrek iti rehab

NARVACAN, Ilocos Sur – Maysa a drug personality ti inserrek ti pamiliana iti rehabilitasion kalpasan a napiansaan para iti temporario a wayawayana.

Idi Disiembre 22, inaresto dagiti polis ni Maverick Cacas y De Gracia, 22, awanan asawa ken residente iti Barangay Margaay, Narvacan gapu iti kasona nga attempted homicide.

Inyisio ni Judge Geraldine B. Ramos ti Municipal Circuit Trial Court, Narvacan ti warrant of arrest maikontra ken ni Cacas ket nairekomenda nga agpiansa iti P20,000.00.

Naiserrek kalpasanna ni Cacas iti Tan-Yee Psychiatric and Rehabilitation Center a masarakan iti Barangay Pug-os, Cabugao, Ilocos Sur

Maysa ni Cacas kadagiti boluntario a simmuko a drug personalities iti Narvacan police station idi Hulio 13, 2016.#