Drug personality, natiliw iti buy bust operation

STA. LUCIA, Ilocos Sur – Iti daytoy a drug personality, makagatangka iti shabu saan laeng a babaen iti kuarta no di pay babaen iti bagnet.

Malaksid iti maysa a heat sealed plastic sachet a naglaon iti mapapati a shabu, kinumpiska pay dagiti polis a nangiwayat iti buy bust operation ti kagudua kilo a bagnet manipud ken ni Jun Jacosalem y Luna, 30, baro, ken residente iti Barangay Sabuanan.

Ti bagnet ti naaramat a pinaggatang iti droga manipud ken ni Jacosalem.

Nakalista ni Jacosalem a maikasiam iti top ten drug personality iti Candon City.

Nakadetene ti suspek iti police station sakbay a maiyalis iti Candon City jail.#