Footer

Drug pusher, naaresto iti buy bust operation

STA. MARIA, Ilocos Sur – Nangisayangkat dagiti nagtitipon nga operatiba ti buy bust operation iti Barangay Baliw Daya, ditoy nga ili idi agarup 6:00 ti malem ti Nobiembre 21 ket inarestoda ti maysa a baro kalpasan a nasamsam iti ikutna dagiti mapapati a droga, drug paraphernalia ken marked money a naaramat iti buy bust operation.

Nakakumpiska dagiti operatiba a pakairamanan ti PAIDSOTG, Sta. Maria police ken PDEA ISSSET RO1 nga indauluan ni PCI Sosimo Raquepo Racho babaen ti superbision ni Provincial Director PSSupt Noel B. Amoyen iti ikut ni Russell Concepcion y Arreola, 37, baro, ken residente iti Barangay Poblacion Norte, Sta. Maria, Ilocos Sur kadagiti sumaganad: 2 a babassit a heat sealed plastic sachet a mapapati a naglaon iti shabu nga agdagsen iti  .02 gramo ken agbalor iti P1,500.00, maysa a P1,000.00, 3 a sag-P100.00, maysa a plastic sachet a naaramat a pagrepake, maysa a cal. 38, awan ti serial numberna, maysa nga Armscor 2015 cal 38 Spl a nagkarga iti 6 a bala a naikabil iti nakalukat a belt bag, 3 a bala para cal .22, ken maysa a Nokia cellphone.

Naisayangkat ti buy bust operation iti imatang da Barangay Captain Gery Peralta ken Barangay Kagawad Arnel Arreola ti Barangay Baliw Daya, Sta. Maria.

Iti pannakaisurat daytoy, maisagsagana ti kaso a panaglabsing iti Section 5 ken 11 ti Article II ti RA 9165 kennRA 8294 maikontra ken ni Concepcion.#