Drug pusher, natnag iti buy bust operation

CANDON CITY – Maysa a drug pusher ti tiniliw dagiti polis bayat ti insayangkatda a buy bust operation iti parkingan ti traysikel iti Gaerlan Street, San Antonio ditoy idi lawasna.

Iti insayangkatda a buy bust operation, nakakumpiska dagiti polis iti ikut ni Eric Arciaga, 34, baro, tricycle driver, ken residente iti Barangay San Agustin ditoy iti tallo a plastic tea bag a naglaon iti napagango a marihuana nga addaan bunga.

Sabali laeng ti nasukainanda a 13 a plastic tea bag a naglaon met laeng kadagiti napagango a marihuana nga addaan bunga idi rinikisada ti suspek.

Mapattapatta nga agdagsen amin dagiti nakumpiska a droga iti 21.1 grams nga agbalor iti P1,160.00.

Nakumpiska pay iti ikut ti suspek ti marked money nga inusar dagiti polis iti buy bust operation.#