Footer

DRUG SURENDEREE NAPAPATAY

Pinapapatay dagiti saan pay a mabigbig a kriminal ni Nestor Ponce y Esguerra, 43 anyos, maysa a drug surenderee ken agindeg ti San Julian Sur, Vigan City idi agarup 9:05 ti rabii ti Abril 30, 2018 idiay Zone 5, Bantay, Ilocos Sur. Segun ti inisyal nga imbetigasyon, daldaliasaten ni Nestor Ponce ti Quirino Boulevard, sakay ti motoksiklo a Honda Beat nga agturong ti amianan a direksyon, idin ta pinalto-paltogan ti namin adu a daras dagiti suspek nga insigida a naglibas kalpasan ti insidente. Nagsagaba ti biktima ti adu ken nakaro a sugat ti naduma-duma a paset ti bagi na. Dagus a naitaray iti Metro Vigan Cooperative Hospital babaen kadagiti nagresponde a kameng ti MDRRMC ken PNP Bantay ngem awanen biag a dimmanon daytoy ti nasao nga balay pagagasan (DOA). Manarimaanen ti naun-uneg nga imbetigasyon para iti nadardaras a pannakasolbar ti nasao a kaso. (Tawid News Team)