URDANETA CITY – Maysa a drug surrenderer ti napapatay iti uneg ti maysa a subdibision ditoy siudad idi agarup 8:50 ti sardam ti Marso 29.

Nainaganan ti napapatay a ni Ogie Jacob y Ferrer, 35, tricycle driver, ken residente iti Zone 2, Barangay Nancayasan, Urdaneta City.

Saan a nabigbig ti nangpaltog kenkuana.

Nangiwayat dagiti polis-Urdaneta iti dragnet operation para iti pannakatiliw ti suspek ngem nakalusot daytoy.

Nangisayangkat metten ti SOCO team iti crime scene processing.#