Drug surrenderer nga addaan kaso, naaresto

SINAIT, Ilocos Sur – Inaresto ti kapolisan itay lawasna ti maysa a drug surrenderer a sumangsango iti kaso iti municipal trial court ditoy.

Inaresto dagiti polis manipud iti PAIDG Ilocos Sur Provincial Police Office, Ilocos Sur PIB, 71st DRC 7th ID PA, ken Cabugao police station ni Elyrey Agustin  y Sinco, 27, residente iti Barangay Pug-os, Sinait, Ilocos Sur babaen ti bileg ti warrant of arrest nga inyisio ni Judge Homer Jay D. Ragonjan, ti MTC, Cabugao, Ilocos Sur.

Sumangsango ni Agustin iti kaso a multiple attempted homicide a nai-docket babaen ti Criminal Case No. 4396 nga addaan iti piansa a P20,000.00.

Top 3 most wanted person ni Agustin iti drug watch list ti police station ditoy (municipal level) ken maysa a drug surrenderer.

Naipan ni Agustin iti police station para iti dokumentasion ken disposision.#