Footer

DTI nagikabil iti ICC sticker kadagiti helmet

CANDON CITY – Nagipigket ti Department of Trade and Industry iti ICC sticker kadagiti helmet dagiti motorista sadiay Candon City Hall itay nabiit kas pammaneknek a nasurot ti standard a helmet nga usaren dagitoy iti panagbiaheda.

Kinuna ni Rogelio Ragasa, empleado ti DTI a naan-anay a maipakat ti helmet law inton 2013 isu nga agipigpigketda iti ICC sticker kadagiti helmet.

Kinunana a dagiti laeng helmet nga aprobaran ti DTI ti maikkan iti sticker ket saan a mabalin dagiti nalap-it, adda pettakda, agkurang iti partesda ken dadduma pay nga adda kunkunada a helmet.

Mapattapatta nga aganay a 20,000 dagiti de-motor a lugan iti Ilocos Sur ket manamnama a kastoy met laeng a bilang ti helmet ti maikkan iti sticker.#